Bananasims Workshop

話說 AL8 Forum 發生咗笨星星事件，嗰個笨星星將十個 AL8 會員既 ***.info 域名買咗（1 美元一個）再玩攻擊（唔係攻擊我啦）。

而家個笨星星仲要弱智到送出黎，而 AL8 有人拎咗域名擁有權並且喺 goddaddy.com 到轉移比我，而我而家就有一個免費既 bananasims.info 域名。

godaddy 中有關 bananasims.info 的資訊。

我而家應該自己喺 I-Circle 架個 blog，定還是將個 DNS set 黎 Blogger 呢個 blog 呢？其實我都有啲想重架個 blog，不過我又覺得好麻煩…

尋日喺大西北遊車河嗰陣喺錦上路影到的…

錦上路站外邊的西鐵啟用典禮海報

呢啲嘢唔洗遮九鐵 logo 掛…車身仲見到九廣鐵路添…

Yahoo! 新聞的截圖。

Yahoo! 新聞好耐之前都加咗個叫「你怎樣評價這段新聞」既功能，有實用、開心、有趣、憤怒、無聊、難過、離譜同埋恐怖。你通常睇完新聞就會投票，投咗票之後，你就會見到個結果，好似無形既民意調查。例如，有篇警方拘捕民間電台2人，有 213人投票，絕大部份人投開心，都大約估到有一定部份既人支持拘捕民間電台既人。

雖然話就話可以當民調咁，我覺得呢個功能太多限制，唔多好。好似呢篇新聞咁，「男子企圖劫葵涌便利店被捕」，投開心係覺得佢比人捉咗開心，定係好開心有便利店比人打劫？投憤怒既係覺得佢打劫便利店好憤怒，定還係比人捉咗好憤怒？呢樣，有時投完都唔知啲人既諗法。