CitiesXL 最矚目既一定係道路網絡。佢有分好多種路，好似 small road, simple road, small avenue, large avenue, large luxurious avenue 等等。每種道路可以升級，全部都可以升級做單程行車，好似 large avenue 係四線雙程分隔（樹 + 廣告版）行車，可以升級做類似時代廣場 5 線單向，亦都可以升級做 3+2 分隔行車，正。

橋樑得嗰幾款，有隻類似美國 Roosevelt Island Bridge 既，另外一隻類似SC4 既「高架橋」。

咁住個 SHIFT 掣可以改條路既高度，不過唔係天橋黎，都只係起隧道用過下。研究咗好耐，都係起唔到海底隧道。

公共交通就得巴士（人口仲未到，起唔到），鐵路同地鐵，要睇下佢啲 update 喇。

另外，唔係好似 CityLife 咁樣，條條路闊度唔同，即係代表無得直接由雙線雙程升級做六線雙程。

可惜，不過我仲未解到快速公路

——-

起屋都係類似 CityLife 咁直接放樓，不過除咗有得揀密度，甚至有得揀埋咩樣既樓（要較 setting）。不過我始終鐘意一個 grid 形式咁起。有時唔知點解一格裹面爭咗少少空間起唔到屋，搞到成列屋都要拆過晒再對位。

消防、警察嗰啲需求好易搞掂，我個城起到咁大都係要一間消防、警察同小學…………

佢無 RCI，因為淨係 R、C、I 都分好多種：R 就分 unskilled worker, skilled worker, executive, elite 四級既住宅區（方便我地規劃邊度係有錢人區）；C 寫字樓、高科技產業、零售、食物產業，重工業等等。如果你個鎮無入口重食物而又無食物產業的話，零售啲地唔會起樓，好多 dependics，好難起，好彩都有提示話你知點解唔得。

同埋有個統計會寫幾多 % 失業，幾多 % 有工無人做，可以方便你去睇起樓定係起工業區，唔錯。

呢啲係 GTA IV 既相，片就太大要慢慢 upload~

啲字細隻到放大鏡先睇到…

上個再上個禮拜六，I-Circle 死咗，去到尋日先至開返，總共死咗十一日…有賴 WChost 個新老闆，舊嗰個拆咗 WChost 既伺服器業務去 Geeks。啲人流少咗差唔多一半，真係有賴佢地良好既服務。今次完咗之後，除非有大改善，我好大機會都會用 TEAMagic 或者 Puff 租（定買？）既伺服器

freelance 方面，近排繼續同個 freelance 開工。尋日就真係完工，只係有啲少野未搞掂，不過嗰個客反而無時間，叫我 10/2 先交貨，whatever，每日整一個鐘叫改善一下，因為而家加落加落真係唔少錢。

學校方面，上個星期五同今個星期一就有運動會，全程除咗同同學吹水之後就係喺度練 pan 相。

學業方面，五科既成績都唔太滿意，要加緊努力溫啦，尤其係科 HISTORY，因為始終都係 AL，M&S 都係 AS Subject。見完老師派張野，理科會考 26 分去到高考只係得 18 分，真係好大壓力…我目標係高考 25 分…

享樂方面，尋日就買咗個模擬市民 3：頂級奢華組合，平到裂，$118，以前 $168，相等於個世界歷險記…啱啱裝好但未開始玩…佢張抽獎卡，得支水…

其他野方面，近排有人講下發現咗我部相機原來有一分鐘快門，喺欣澳玩咗張一分鐘快門既全景圖同埋光軌。至於尋日同今日，就喺度同車玩 pan 相…

呢個幾禮拜以黎既野，喺下低個 album 可以睇得晒～

今日又成日聽 Elkie Brooks 既 Fool if you think it’s over，好好聽。

A dying flame
You’re free again
Who could love?
Do that to you?
All dressed in black
He won’t be coming back
You save your tears
Got years and years
The pains of seventeens
Unreal they’re only dreams
Save your crying for the day

Fool if you think it’s over
‘Cause he said goodbye
Fool if you think it’s over
Tell you why
New born eyes always cried with pain
At the first look at the morning sun
Fool if you think it’s over
It’s just begun

Miss teenage dream
Such a tragic scene
He knocked your crown
And ran away
First wound of pride
And how you cryed and cryed
You save your tears
Got years and years

(Fool if you think it’s over)

I’ll buy you first good wine
We’ll have a real good time
Save your crying for the day
That may not come
But anyone
Who had to pay
Would laugh at you and say

Fool if you think it’s over
‘Cause he said goodbye
Fool if you think it’s over
Tell you why
I’ll buy you first good wine
We’ll have a real good time
Fool if you think it’s over
I’ll tell you why
New born eyes always cried with pain
At the first look at the morning sun
Fool if you think it’s over
Just begun

Fool if you think it’s over
Fool if you think it’s over
Fool if you think it’s over
Fool if you think it’s over

第一、二堂中化堂，首先個唔知乜野會就頒咗個學界最佳進步獎比我。差唔多啦。佢係 2008-2009 年既，應該係因為我學校成績同會考分好大出入先頒比我。

份野包咗個學習經驗書同埋一張吉野家既免費飯優惠券，極之實用，所以走咗去奧海城一期同朋友一齊食。

由於中化老師成日講廢話既關係，淨係派得份閱讀同實用文…閱讀出奇意料地高分，作文出奇意料地低分…

第三堂經濟，成堂喺度講 SQ，唉錯得好離譜，不過知道自己合格，唔知係 4、5、定 6 字頭。（以前我覺得 6 字頭好羞愧，而家 6 字頭己經好開心 =.= 中史仲慘，一百分滿分，平均分廿分，最高分五十七分 =.= 60 分已經攞 C）

第四堂 M&S，都係錯埋晒啲弱智低能野，IMPLICIT FUNCTION 無加 dy/dx…不過我 38/50 都全班第二…

第五堂 HIST 無派卷只係講 ANSWER PLAN 只係傾俄國革命同高鐵…人有唔同意見好正常，最緊要和而不同，互相尊重，雖然我同學唔少都質疑高鐵既成效，不過我都會抱住尊重既態度解釋。呢個係咁耐以黎我參與得最好既一場討論，說唔說服到人係其次，至少，認識到我呢班同學係我既榮幸。

第一次用咁既風格起屋。

我覺得呢間屋放喺河景會有 feel 啲。

下載

第一次考咁耐，每一個鐘都望出面景觀小休一陣，一黎真係好累好攰，二黎我隻眼唔多舒服，要望啲綠色野調劑一下。

份卷真係有啲不滿，因為老師出咗啲唔係範圍既野。短題目我全部都識，只係一題有啲重要野無寫，好似「點解經濟學家唔會比 Law of Demand 有例外？」「因為無咗需求定律，所有經濟理論都會變咗套套邏輯，無解釋能力。」。

長題目，三題有一題 12 分既係不在「範圍」內的 Price Searching & Monopoly。佢一開頭唔知講咩「跨境火車有空位，而供應呢啲空位既 MC 係 0，所以跨境火車既價格應該要係 0，先可以將 consumer surplus 最大化。」呢句野同後尾既問題完全無關係，後尾又講餐廳、西隧：西隧既收費係用黎補貼 AVC AFC 定 MC，我仲奇怪點解 Price Taking 有啲咁既野，原來真係出啲 out-sy 題 :@

考完真係好攰。食完仙桃源就返圖書館溫咗四粒鐘 M&S，再去補 M&S。

前日去又一城買餸嗰陣已經見到路面下低漏水，估唔到而家爆埋出黎…

我同佢唯一一科有一齊讀既就係 ECON，所以就溫 ECON…今日就溫 Cost & Rent，其中 historical cost 溫咗好耐。A-Level 都無得背答案，佢就喺度背，又要次次唔記得句 『Bygones are Bygones』，好煩 :@ 溫完 Cost & Rent，仲剩 Production 同埋 Price-Taking 未溫得熟，今日希望溫完，今晚就溫 Maths & Stats 既 Application of Differentiation 同埋 Binomial。

溫咗個幾鐘，走咗去 IKEA 買餐具。行到一半去嗰間 IKEA 餐廳食飯，我食咗個瑞典牛肉丸，佢就食咩蕃茄海鮮意粉。我買 10 粒裝 $19，佢就買咗 $26，加多個 $7 任斟。瑞典牛肉丸實際成 16 粒，本來諗住食少啲空肚食爆谷，算啦…佢嗰個都幾大碟。

最後行埋自助區就走到去小食部。佢就仲食得落個爆谷，我就幫我家姐買個熱狗。

行落去沙田站坐車返屋企。架東鐵好多人（未到荃灣綫嗰種程度），啲熱狗啲醬又隨地心吸力流晒去個紙袋到，仲要喺個咁迫既環境「葉」，真係好核突。

最後返到屋企。

（因為拎住個熱狗搞到乜相都影唔到 :@）

呢個聖誕假期，我只可以用一隻字黎形容，「迆」（hea）。

自聖誕假期 23 號開始，日日都係渾渾噩噩咁過。上網就上成幾粒鐘（都唔知點解可以上咁耐 =.=），一係出下街同朋友聚下影下相，無架啦。

由 19 號開始到而家，最短溫書時間係兩粒半鐘（除夕日），最長既係得嗰四個鐘（我要求平均係四個鐘），好唔足夠。

大後日就開始考試，UE – ECON – CL&C – HIST – M&S ….  太迆…

ECON 淨係喺度溫書，莫講 exercise 有無做，以前 exercise 啲 answer key  都無溫過

HIST 算啦，淨係溫咗 WWI 同 WWII (仲要係唔熟嗰隻），Russian Revolutions 連溫都未溫過，亞歷山大二世之後嗰個邊位仁兄都唔記得咗囉，唯一記得係 1917 尼古拉斯二世比人推翻囉…

M&S，微分、Log 係做得好好，初頭啲 P, C、exponential graph, binomial 完全唔識，仲有嗰個 application of D 做都未做過

聽日 last day，死梗囉…

西蘭花芝士洋蔥炒烏冬，仲整咗焗薯，不過無影。喺又一城 TASTE 買咗 $57，包咗支 $9.9 大七喜～

今日就去咗美孚補習，萬事達廣場開始翻新完，舖晒啲白色既雲石地板，不過商舖依然不變。

然之後去大家樂食下午茶，$19…呢個就係佢所謂既西多士…下次都係去返美心食

再去又一城行一陣…而家先知 Starbucks 喺戲院入面，唔怪得唔見。不過去 Pacific 算啦

入筆架山隧道嗰個鐵閘個鎖無咗？

今年，最重要既事一定係會考啦…今個會考，可以令我睇到社會篩選制度可以幾咁殘酷，亦都令我深深明白到，你唔改變自己，無人可以幫到你。

今年亦都過咗本人最長既暑假，日日 hea 都不知幾爽。

而我亦都曾經返過兩份工同一份 freelance，錢就唔算多，最緊要經驗，同埋識到唔少既人（尤其係低下圈子同內地人）

2009 年亦都係預科生涯既開始。讀咗四個月預科，其實，會考真係濕濕碎。如果個會考出到鬼咁易，讀預科，莫講一個學期，一個月既野都哽唔落啦…

唉咁又一零年，離我既 AL 2011 仲有一年，死期將到。

(其實唔好話我懶，本來打咗好大篇文出黎，不過諗諗下都係唔好，有時啲嘢唔好講得太明。)

而家出去西九龍文誤區同朋友慶祝，係咁先。

有條橋既相一張都無影，不過片就有錄

車頭玻璃都幾污糟下，唔好介意

下午…又要去尖東小學聚餐。喺日航食自助餐，日航同以前比又加咗價，不過又難食咗嗰下先慘（啲魚生簡直攞命）…早知去香格里拉食，反正未食過，口碑又唔錯

去完同李生返屋企。又要多謝佢呀媽，佢住牛津道都車埋我，慳返 $1.4 :$

夜晚…屋企人唔想出街

自己一個出街去尖東買 Wow! Burger。然之後再喺尖東個廣場到行行企企。途中遇到金滿堂（櫸樹街，富來隔離）茶餐廳既老闆…竟然咁都撞到佢…佢個仔好得意…同佢個仔玩咗一陣就走返去 Wow! Burger 買包返屋企食。

返到屋企除咗食野之外，就無野做啦，成日都係溫 ECON…難得有人肯解答我既問題，真係多謝晒…不過我仲有成六課要慢慢追啲 concept，已經係咁先。

成日就係咁先。

九龍仔就成日黎，不過黎黎去去都係牛津道惠康（牛津道、西谷道、慕禮道），同埋小巴 25M 既路線（對衡道、劍橋道）。

為咗實行慳錢大計，由九龍塘行去九龍城補習，行半粒鐘。唔想行窩打老道同界限街吸廢氣，所以入內街。

窩打老道 > 禧福道 > 劍橋道 > 衡州道（九龍仔業主會） > 牛津道 > 火石道（後巷） > 喇沙利道 > 界限街

相比筆架山，我梗係鐘意九龍仔 :$

唔似又一村。又一村係一個谷咁，夏天嗰陣零舍熱、冬天又零舍凍，仲有嗰個區係叫深水埗區。:$

九龍仔咁多條街，總有啲街想住唔想住。唔想住既一定係金巴倫道同律倫街、雅息士道，火車同窩打老道雙重轟炸。

咁多條街我最想就梗係渭州道。渭州道只係劍橋道、牛津道中間。不過聽唔到禧福道、喇沙利道同窩打老道啲噪音，附近又有惠康，行去九龍塘站又近。要坐小巴都有條 25M 喺劍橋道駛過。

當然喇沙利道、牛津道（近學校／惠康）我都接受到既…有得住梗係想住 :$

條題目係 How important were the territorial conflicts in the Balkans in affecting the relationships among European powers in the period 1878 – 1914?，我用轉變（inversion）、惡化（deterioration）、敵意（hostility）同戰爭（war）去解釋巴爾幹領土紛爭對於列強關係既影響。我用咗殖民地紛爭、聯盟制度同軍事競賽去解釋點解巴爾幹領土紛爭咁重要。

佢都係話我唔夠 fact 所以得 24 分，升唔到上 27，所以我都要落力刨多啲參考書。

第一次，亦都可能係最後一次以 6A 身份著班衫…

中史班人做嗰份卷真係好無聊 =.= 不過好好笑

不過我最不滿既係太少人，紫禁城一個人都無，三個鎮既市集得啲商人喺度擺檔，一個行人都無。如果 zoom 落去個紫禁城係同個死城無異。

同埋呢隻野同我期待既唔同，佢太集中喺探險部份。我以為佢會類似模擬市民 2：環遊世界咁樣觀光。我會鐘意觀光多啲，呢隻實在太過 RPG，同埋玩得耐真係好悶。

不過呢隻野細節方面真係做得好好，好似寶藏都分成十幾廿種，每個墓又有一啲印記留低，真係唔錯。

平又平過人，$168，以前 $250 都偷笑。物超所值，值得一玩。

呢排已經病病地，測驗都算，仲喺度話狂默書（背 definition，嗰啲睇完轉眼又唔記得嗰啲咩 『When MP is increasing, TP increases at an increasing rate』）……真係無咁多時間投放落呢科，投都投比 History…