今日考 Geography Mock，考到頸都長埋。
前幾日已經開始臨急抱佛腳，開始背呀背，好似市區重建背個 4R 策略（Redevelopment、Revitalization、Rehabilitation 同埋 pReservation（格硬黎））咁…背咗嗰啲 4R 5R 3D 策略背咗成堆…然之後再用啲 sticky notes 痴喺本 Last Minute 到搭車返學嗰陣要特別背邊幾頁。返到學校都差唔多可以叫背到熟晒，所以拎 Past Paper 黎溫（我諗住 CE 先做），溫到去話要返埋位為止。
好啦，派卷，派咗一本 10 頁既 Question Book 同埋一本二十頁既 Answer Book，仲有一個 A2 大既將軍澳地圖，塞晒喺張枱上面。傳嗰陣唔覺意睇到最後條題目，見到佢係講深港西部通道同埋港珠澳大橋，然後問啲農夫贊唔贊成起…
開考了，拿拿臨睇份 Question Book 有乜野題目。GEOG 要做三條長題目，第一題係 Map Skills，必答，考你睇地圖同埋 Sketch Map（畫地圖）／Cross Section（橫切面）／Long Profile（河流）等等…而後尾有 5 題 5 揀 2（著數過數學 4 揀 3 
）。第一題將軍澳超級麻煩，個地圖有畫到 1980 年將軍澳個海岸線，佢有兩題 Map Skills 就係叫你搵填海既面積同埋港鐵將軍澳綫油塘至調景嶺既長度。第二題就係問氣候及全球暖化，第三題係講南加州農業，第四題就係跨國工業，第五題係板塊移動，而第六題就係講深港西部通道同港珠澳同水浸問題。
睇晒啲題目心中有數揀邊題，就係第二題（氣候）同埋第五題（板塊移動）。第一，我對呢兩個課題都係比較熟 睇過晒啲題目，都係得呢兩條大題目係完全識晒，其他題目有一兩條分題都係唔識做。仲有，呢兩課係比較理科，比較客觀，吹水成份比較少。
揀咗題目就去做，不過唔會做第一題必答題，因為好煩。
第二題講氣候，有四個 figure，一個地球、兩張 Climatic Graph（即係講一月二月有幾多雨溫度幾多）同埋一個冰塊周界既長度表（由 1978 年至 2008 年）。地球有 A B X Y，A 係日本，B 係美國，X 係溫哥華，Y 係渥太華。
佢問既題目都係好公式化，問下個 climatic graph 係邊個城市，點解個全年溫差咁大，然之後有問下個北極冰雪覆蓋個吹勢，又問你咩現象（全球暖化），然之後借題發揮問埋京都議定書美國反對簽署既原因同埋反駁佢既論點，Easy Job，十五分鐘搞掂。
第五題有個東亞地圖，有 X 同 Y，X 係指住喜馬拉雅山，而 Y 係菲律賓以東既海洋。
又係好公式化既問題，不過答錯… / . \ 佢問 X 同 Y 既 landform 係乜，正確係 fold mountain 同 ocean trench，不過 Y 我答咗 mid-oceanic ridge，因為我以為 Y 係太平洋板塊同埋歐亞板塊個邊緣…然之後有題問個板塊係乜野 endogenetic force，我竟然喺個 destructive plate boundary 到寫咗 tensional force…應該係 compressional force。之後叫你畫圖解釋喜馬拉雅山形成，Tethy Sea, Indo-Australian Plate, Eurasian Plate 寫晒出黎搞掂晒。最後就問你 Y 既形成（我當然錯，因為 Y 個 landform 都錯），X 同 Y 有咩共同災難（地震），同埋點解香港喺中間都無地震。呢題唔算難既，不過睇錯咗 Y 係歐亞板塊同太平洋板塊撞擊真係好唔抵，咁就無咗 7 分…
哈，做第一題，最麻煩嗰題。搵面積同埋港鐵路線長度即 skip，然之後問你點解發展新市鎮必須填海同埋利用一啲地圖上既證據去證明將軍澳係一個新市鎮。呢兩題話難唔難話易唔易，我好似答到模稜兩可咁…第一題我話移山同埋填海可以製造大量平地，而第二題就寫咗咩好多幹道，大型公園，公共屋邨，港鐵直穿心臟地帶等等…然之後問港鐵點樣對可持續發展作出貢獻。借題發揮時間，可持續發展有三個範疇，社會、經濟、環境。社會咪話港鐵係一個便捷便宜既交通工具，將軍澳居民可以快速到別處上班，然之後拉埋家庭暴力問題黎講。經濟就抄 ECON 橋，增加生產效率。環境就話係一個無污染交通工具，答晒。最後就講將軍澳工業邨，環保人士點解反對，而居民點解支持，好易，答晒。
最後做嗰兩題麻煩題目。做就當然做問你油塘站至寶琳站既長度。無帶繩，所以用咗 Answer Book 最尾嗰頁慢慢搞，搞咗十五分鐘做咗五次計到 5.7 公里，有同學同我一樣，亦都有好多人計到 5.2 公里…然之後真係最煩嗰條，計填海面積。
填海面積真係難搞，個地圖 1 : 20000，即係 1cm = 200m。每 1cm 畫條線落黎，畫死人咩…個地圖 A2 咁大張，起碼畫咗成四十幾條線先畫得完成個網格。數先麻煩，我唔記得咗有個方法係數嗰陣寫埋數字，我就咁 tick 同交叉，最後數到死死下…數呀數，數呀數，最後數到成 81 個 complete grid 同埋 114 個 incomplete grid，計呀計，計到 5.72 square km。做咗半粒鐘，頸都長埋，收卷，MC。
啱啱話走得嗰陣，我同學先同我講要寫簿皮，唔記得添…
MC 好無聊，有個科學園地圖（罕有地係寫港鐵東鐵綫），然之後後面問返啲 concept 嘢，做到想訓。今年啲題目出得好過 Form 4，Form 4 差唔多全部都係 1, 2, 3, 4、1, 2, 3 only、1, 3 only，然之後一個 factor 錯又全軍覆沒，唔識都識揀 MC。今年難啲。做咗半個鐘做晒，然之後 check 咗三四次，好無聊…最後等到佢收卷，望下同學啲答案，差唔多個個唔同，真係唔知我錯定佢錯啦。
GEOG 4 月 21 死期到…
，去咗留長髮。而最驚喜既係，而家我終於可以入一班男多過女既班（因為班 MK 妹全部個位數字 
）。
