Swiftzer Countdown 的介面。
呢幾日算考完會考架啦，淨返既科都唔洗溫。我估今次會考最低限度都有 17 分，用最樂觀既睇法計就有 25 分。我既目標當然唔係返原校咁簡單，至少都要入到嗰幾間高等學府啦。
我呢排就開始做緊會考後既計劃既野。我開始做緊既，有 I-Circle GTA 網同 Swiftzer Exam & ALAS! 2010。
個 GTA 網唔想多講。
而呢個 Swiftzr Exam & ALAS! 2010，其實只係一個 Drupal 既模組，依附喺 Swiftzer 既 Drupal 入面。而我今次呢個 Swiftzer Exam & ALAS! 2010 會設計到完全係 soft-coded，搞到除咗 CE 同埋 AL 外，都可以加入其他地方既考試，包括 IGCSE 等等。
不過，我對呢個 module 有啲擔心。好重要既係，Drupal 7 已經開發緊，而 7 既特點係用真 OOP（即係 private public 等等，唔係 PHP 4 假 OOP）。基本要求，PHP 5 囉。係，廁所網存有比個方法我地去改做 PHP5，不過無得用 php_flag，register_globals 同 magic_quotes 閂唔到。裝過 Drupal 既人都知，呢兩樣邪惡既野一存在就用唔到 Drupal，所以搞到 IC 用唔到 Drupal 7 囉。嗱，問題黎啦，當廁所網存完全淘汰晒 PHP 4，咁就迫住升級 Drupal 7，咁呢個 module 咪要重寫！？等 Drupal 7 推出？不過，第時出 Drupal 8 嗰陣又係要再重寫？我唔知點呀，當然就唔想重寫啦，一日到黑對住啲代碼咪話過癮。
趁而家得閒計劃下我會考完個假期有乜野要做：
Swiftzer Exam & ALAS! 2010
今次呢個 Swiftzer Exam & ALAS! 2010 就會無以前個版本咁 hard-coded。今次我就諗住整成個 module 加考試類型啦（好似加 HKCEE、HKAL 及 IGCSE 咁樣），然之後喺網頁上就可以輸入資料，唔需要手動搞 SQL 資料庫。今次工程都幾浩大，不過我諗呢啲嘢幾個禮拜搞得掂（其實都唔多難，只係多）。
隨機圖片程式 2.0
見喺 IC 啲人玩我個描述檔玩得咁熱（1、2），不妨就發佈埋我自己整既描述頁出去。除咗呢個圖片描述頁之外，亦都可以整個功能，比人咁到條 link 就立即 redirect 去第二個頁面，可以當討論區既廣告燈箱（不過係隨機顯示版，非 GIF 版。GIF 版都係唔知點搞先搞得到）。呢個程式…我諗都係要 hard-coded 架啦，無理由咁既程式仔都要加個 ACP 掛 
。
I-Circle 大改變
I-Circle 用咗 Drupal 咁耐，而 I-Circle Forum 就用咗 phpBB 咁耐，所以我就計劃將兩者既風格結合，減少討論區同埋子網站既差別。此外，我亦計劃為 Drupal 各子網站安裝 CCK 同埋 views 模組，去整一個類似 Adobe 既首頁。講真，I-Circle 啲遊戲網首頁無圖片真係好輸蝕。
幫某公司整網頁
前幾日收到某公司比我呢個假 freelancer 既 offer，就係幫佢整公司網頁。錢又唔算少，計返個比例都幾少野做。我估呢個 1 個禮拜好輕易搞掂，因為我成日都可以整。
I-Circle GTA 網
呢個網站當然就寫 GTA 內容啦，不過仲係起步階段。我唔係好想整到好似 04GD 咁。其實喺香港發展呢類網站都好難，因為好多香港人玩 GTA 都唔睇故事內容，淨係喺度玩殺人、渣車同埋玩飛車、花式……我整幾多故事、人物、地圖資料都無用，所以我將呢個放到最後尾，因為個回報太過 uncertain。
delay 咗既計劃：
I-Circle Forum 既 Portal
其實呢個都 delay 咗好耐。之前本來整咗個 Portal，後尾整整下都係無整到。我諗今個 CE 或者都整唔晒，因為要 eFilm 同埋 hang 一齊整，不過佢地都好多野做，好似 eFilm 要搞 TMB 2.0 同埋 DBL。
今日用咗大約四個鐘時間整好晒 Swiftzer Exam 2009 PHP 部份，真開心…唔知點解今日寫 PHP 無尋日咁煩燥…寫都寫快啲，同埋都寫得準確啲，無 debug 好多次…
不過，今日都整咗唔算多野，得兩樣：自訂時間（即係實習試同埋會話要設定時間）同埋喺 Flash 到咁科目彈出黎既描述頁。不過，整體都未整好，因為 Flash 嗰部份仲趕緊工。而我都要開始著手於 Swiftzer Alas! 2009 同埋 Exam 其他即將推出既功能，希望早啲推出，咁考生可以早啲用，開學又可以專心少少。Swiftzer Alas! 2009 既編程比 Swiftzer Exam 比較易，因為我設計 Exam 嗰陣已經預計埋 Alas!，所以呢，Swiftzer Exam 既 module 照 copy，search & replace 『exam』 去 『alas』，改下啲用字又搞掂。不過 Swiftzer Alas! 另一個難題係課程資料、試場同埋時間範圍，要 check 啲人係咪玩野入凌晨四點考試…Swiftzer Exam 都唔係完全搞掂嫁，準考證又未派，入試場編號同埋時間啲功能又要等一輪先可以推出…
Swiftzer Exam 既介紹頁更新咗喇，好好多呢，睇下啦，希望今年 CE 2009 既考生可以使用 Swiftzer Exam 2009，可以比大家一個驚喜！
早知就早啲搞 Swiftzer Exam，咁我剩返既時間就可以預備下會考，真係好緊要…
Swiftzer Exam 2009 PHP 方面我都差唔多寫完喇，預計聽日都可以完成 PHP 部份。至於 Flash 嗰部份我真係乜都唔知，所以唔知進度點樣。不過，希望可以喺開學之前推出，咁樣開學之後可以專心讀書。
感想，無咩既，始終都係鐘意獨立於其他程式寫野，自由度大。今次係喺 Drupal 到寫 module，我唔鐘意佢嗰種 procedural programming…我完全無跟到佢啲 coding standard，用晒 Discuz! 啲方法寫，諗乜寫乜，完全唔可以叫 object-oriented 既 module，所以有啲部份寫寫下都要重寫。不過都至少好過上次嗰啲編程，得閒的話改返做 Drupal 標準都唔遲。
又要寫我最憎寫既 form check，一個好用既 form check 係好難寫，唔似得 Discuz! 咁樣 check 到，顯示句 message 就算鬼數。今次又要 check 撞科、試場、實習同埋 Oral 時間範圍等等都幾煩下，不過總算有耐性寫好。
anyway，今次 Swiftzer Exam 2009 好過一定好過 2008 好多。今次 2009 版會多好多有用既功能同埋增加易用性，不過推出嗰陣陣係會有基本功能，慢慢跟時間推出，詳情睇返介紹頁。總之，今次 Swiftzer Exam 2009 會比大家一個新驚喜啦！
